|
|
|
Husnes Eigedom får tomta |  | | Steinar Prestnes (Husnes Eigedom), Rune Skarveland (Skarveland AS) og Jan B. Ingvaldsen (Husnes Storsenter) følge tomtedebatten i formannskapet med vekslande iver. |
| | | | Formannskapet vedtok torsdag å gje Husnes Eigedom tomta dei tidlegare har fått lovnader om. | | | Handsaminga av saka var ikkje gamal før kritikken mot administrasjonen meldte seg. Frå ytste venstre til ytste høgre var synet på saksframlegget rørande unisont. Ole Torbjørn Holmedal (Frp) var som vanleg klar i talen.
– Handsaminga som er lagt opp til i dag er langt frå god. Det er ikkje bra når eit firma har blitt tildelt tomt i juni, men enno ikkje fått tomta, sa Holmedal.
Han fremja forslag om at Husnes Eigedom omgåande måtte få tomta formannskapet tildelte dei 8. juni, eit forslag som seinare vart vedtatt med åtte mot tre røyster.
| | | – Nøgd med vedtaket
Arve Opsanger var heller ikkje imponert over førearbeidet frå administrasjonen si side.
– Dette har ikkje vore ei god sak for Kvinnherad kommune slik den blir framstilt i sakspapira.
Holmedal føreslo òg at tomta bakom Teigen-bygget måtte lysast ut for sal, og at kommunen måtte kalla alle interessentar til området inn til møte. Det vart vedteke, noko som betyr at Skarveland AS ikkje fekk tildelt tomt i denne omgang.
– Me er nøgde med vedtaket, men meiner det unødvendig at saka kjem opp no. Den har tatt mykje av vår, administrasjonen og politikarane si tid. Eg tykkjer dei framleis burde stå for det dei vedtok i juni, meinte Steinar Prestnes etterpå.
| | | Unitech
Etter å ha vore totalt fråverande i ni månader, let Unitech høyra av seg morgonen før formannskapet. I e-post til ordføraren skreiv Bernt Hellesø at Unitech har endra planar, men ikkje teke avgjerd om dei ikkje ønskjer tildelt tomt på Husnes bak Bygger´n.
– Derimot står planen om å byggje i Sunnhordland, inklusiv Kvinnherad fast, las Bjarne
Berge frå e-posten.
I brevet til ordføraren seier Hellesø at Unitech vil ta ein endeleg avgjersle innan utgangen av oktober. Formannskapet var viljuge til å gje Unitech ut månaden til å ta stilling til etablering i Kvinnherad.
Men ordføraren var krystallklar på at Kvinnherad kommune aldri har gjeve lovnad om partnarskapsløysing ved Unitech-etablering.
– Det har aldri vore på tale, sa Berge. | | | | |
|
|
|
 | | | | | | | 16. mai-arrangement for ungdom | | Les meir | (16.05.2012) | | | | Tømte butikkane for brød | | Les meir | (15.05.2012) | | | | Med toradar og skitstøvelmeisterskap | | Les meir | (15.05.2012) | | | | Skjenkestans klokka 01.00 | | Les meir | (11.05.2012) | | | | Vonleg nett kl 20.00 | | Les meir | (10.05.2012) | | | | Stølsdag med meisterskap i skitstøvelkasting | | Les meir | (09.05.2012) | | |
| | Nyhendearkiv | | |
 | |  |
|
| |
| Meiningsmåling |
| Bør ein endra Kvinnherad si kommunegrense? | | |
|
|
| | |
 | |  |
|
| |
|
