|
|
|
Nyevegen klar til jul |  | | Dumpersar og lastebilar går i skytteltrafikk frå steindeponiet med masse til forsterkingslaget i vegbana. Dosaren jamnar ut massane som så vert banka saman av vibrerande trommel. |
| | | | I desse dagar vert det første av to forsterkingslag lagt på nyevegen som er ein del av Halsnøysambandet. Og kring juletider vil halsnøybuen kunna ta i bruk den første stubben av ferdig riksveg på øya. | | | – Me er i rute med bygginga av den nye riksvegen, og nokre hundre meter ny fylkesveg som er ein del av prosjektet. Men det vert likevel travelt for å ha alt klart til jula vert ringd inn, seier byggeleiar Marit Eidsnes Rogne.
Det første av to forsterkningslag vert lagt i desse dagar. Nok eit lag skal på plass før det er klart for legginga av dei to laga med asfalt som skal førast på før vegen er klar for å ta mot trafikken.
– Kor lenge går det før de er klar til å starta legginga av fast vegdekke?
– Slik det no ser ut vil legging av asfalt kunna starta om fire veker. Men eg lyt ta atterhald for korleis temperaturen vert. Fell temperaturen under frysepunktet lyt me venta på mildvêr, forklarar byggeleiaren.
Tilretteleggingsarbeidet for bomstasjonen er også komen langt. Kablar og kummar er komen på plass, fortel Rogne, som opplyser at forsterkingslag vert lagt også i dette området no i desse dagar.
Aktivitet i tunnelen
Også inne i tunnelen under Høylandssundet pågår det arbeid. Og også i denne delen av prosjektet er arbeidet i rute.
– Det vert no grave grøft for drenering og høgspentkabel, fortel byggeleiar Bergliot Skonnord. Arbeidslag som skal ta seg av bolting og klargjering for legging av PS skum kjem me det første. Legging av PS-skum er ein viktig del av brann og frostsikring av tunnelen. Elles kan eg nemna at me no er komen i gang med bygging av tunnelportal på Sundesida.
| | | Ikkje stupbratt
– Det går for tida så mange rykte om at tunnelen vert stupbratt. Det er dei som hevdar at tunnelen får ei stigning på 1 på 8. Stemmer det?
– Nei. Her er det ut frå mi vurdering ei mistyding ute og går. Stigningen i tunnelen er på 8 prosent, eller sagt på ein måte som folk flest gjerne skjønar lettare - 1 på 12,5. Det vil seia at Halsnøytunnelen ikkje skil seg negativt ut til dømes i høve til Trekantsambandet, understrekar Skonnord.
Byggeleiaren for tunnelen, fortel og boring av tunnelen som skal føra drensvatnet ut av tunnelen vil ta til i november. Dreneringsholet på 350 millimeter vil koma opp i ordre del av Kolsøy.
– Er det snakk om store mengder vatn som må pumpast ut?
– I kontrakten med entreprenøren Vegdekke er det rekna med 1000 liter i minuttet. Målingar no i haust viser at volumet er 480 liter i minuttet. Men med den moderate nedbøren det har vore i haust vil truleg mengda verta litt meir enn det målingane viser, seier Bergliot Skonnord.
| | | | Tekst/foto: Torleiv Sydnes | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
