|
|
|
Dei gode medhjelparane |  | | Liv og Sten Helland mottok Frivilligprisen, og eit måleri av Camilla Fonneland. |
| | | | Ekteparet Liv og Sten Helland vart tysdag heidra for lang og trufast teneste i Røde Kors Besøksvener og for å ta særleg godt imot flyktingar til kommunen. | | | – Frivillig arbeid har bygdene lange tradisjonar for. Prisvinnarane har klart å organisere dette slik at fleire hender tek del. Dykkar engasjement for andre menneske er utanom det vanlege, og eit godt føredøme for andre, sa ordførar Bjarne Berge då han delte ut den første frivilligprisen i kommunen.
| | | Gjer andre glade
Liv og Sten Helland takka hjarteleg for prisen og seier dei har møtt mange positive menneske i Kvinnherad gjennom sitt frivillige arbeid.
– Når ein ser kor glade menneske blir når vi gjer dette, så er det løn i seg sjølv, smilte Sten. Han seier det er mykje visdom i ordtaket «Den største gleda ein kan ha, er å gjere andre glad».
– Eg vil takke dei som var med frå starten med besøksvener. Lagarbeid er meiningsfylt arbeid og så såre enkelt, smilte Liv.
| | | Blomar til paret
Ho sende ei ekstra takk til dei nye landsmenna som ho hadde blitt så glad i. Det vart ikkje lenge etter prisutdelinga at flyktningar og andre vener kom med blomar til det rause paret. Det er mange som er glade i Liv og Sten.
– Det er eit privilegium, strålar Liv. Ein av dei var Svetlana Herskedal frå Russland som gifta seg til Husnes. Ho har vore ven med Liv og Sten i fem år. Ein gong ho vart sendt til sjukehuset i ambulanse, spurde dei om ho hadde familie. Ho svara Liv og Sten Helland. Då ho opna augo frå sjukehussenga, sat Liv der.
| | | Spreidd såkorn
Styrerepresentant Liesje Croles i Kvinnherad Frivilligsentral leia festen, og ho samanlikna arbeidet til ekteparet med hobbyen deira å jobbe i hagen.
– Dei har spreidd så mange såkorn, sa Croles.
Prisvinnarane mottok eit måleri av Camilla Fonneland frå Sunde. Fonneland har bachelorgraden frå kunsthøgskulen i Oslo. Inspirasjon til maleriet fann ho frå følgjande dikt: «Eg vil ta deg med til min spesielle stad – det er ein stad som ikkje skal skjemmast av smerte og sinne – eg set ting saman igjen der – alt fell tilbake på plass – på min spesielle stad.» Diktet er av Joni Mitchell omsett av Brit Bildøen.
| | | Jubelslått
Ei dansegruppe frå Kvinnherad kulturskule og Egil Vaage underheldt. Vaage spelte mellom anna ein jubelslått og ein halling, «Malmangernuten», til ære for prisvinnarane.
Fleire kom med helsingar. Blant dei var Hilmar Blokhus frå Kvinnherad Rotary, Linda Lillesletten frå Flyktningetenesta i Kvinnherad og Torstein Aartun frå Husnes Prestegjeld.
– Kyrkjelyden har nytt godt av mange timar innsats. Natt til laurdagar stiller Liv og Sten på bedehuset på meinigheitskveld for ungdom. Ungdomen likar dykk. Me set veldig pris på tenestene de gjer. Dette var «gysla» fortent, sa Torstein Aartun.
– Når ein brenn for noko, tel ein ikkje timar, smilte Liv Helland.
Ingeborg Dugstad Sanders og Kristin Schulerud avslutta med piano og dans.
| | |  | | Her er nokre av dei nye «barnebarna», smilte Liv Helland som saman med ektemannen Sten mottok den første Frivilligprisen i Kvinnherad. Her saman med nokre av flyktningbarna på Husnes frå Tsjetsjenia. Tamris Eldi og Heda Tazoeva til høgre, framme frå venstre Zumilana Eldi, Imam Eldi og Islam Tazoev. |
| | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
