|
|
|
Avviser nye stoppestader |  | | Motormann/matros Magnus Klepsvik og snøggbåten Rygerfonn skal framleis ikkje stoppa i Herøysundet eller Vikanes. (Arkivfoto). |
| | | Hordaland fylkeskommune avviser å innføra Herøysundet og Vikane som stoppestader på snøggbåtruta mellom Rosendal og Bergen.
| | | Kommunestyret i Kvinnherad vedtok før sommarferien å be fylkeskommunen innføra at Hardangerfjord Ekspressen mellom Rosendal og Bergen skulle gå innom både Herøysundet og Vikane. Samferdselsutvalet i fylket handsama saka på tysdag, og vedtok då samrøystes å avvisa dette ønsket. Ruta vil derfor halda fram som før.
| | | Ikkje overraska
– Det er merkeleg av utvalet i fylket å ikkje ta eit tilnærma samrøystes kommunestyre i Kvinnherad på alvor. Å stoppa i Herøysundet og Vikane ville bare medført ein lite auke i reisetida, samstundes som det ville blitt ei betre rute for heile Kvinnherad. Dette var veldig synd, meiner ordførar Bjarne Berge.
Men han vonar at siste ordet ikkje er sagt med dette.
– Eg synest at det nye kommunestyret skal ta dette opp att og jobba vidare med saka. Vi kan ikkje gje oss, seier Berge.
Også komande ordførar Synnøve Solbakken (Ap), som nett har vore to dagar på Ap-landstyremøte i Oslo, er skuffa over vedtaket.
– Eg er ikkje overraska, men sjølvsagt skuffa over at Herøysundet og Vikane ikkje er kome med i planane. Samstundes er det viktig å presisera at ruta Rosendal – Bergen ikkje må svekkast, vi må ikkje øydeleggja det grunnlaget som den ruta har bygd opp, påpeikar Solbakken.
Den nye fleirtalskoalisjonen med Ap, Sp, Venstre og Innbyggjarpartiet vil halda saka varm.
– Koalisjonen har programfesta betre snøggbåttilbod, så dette vil vi heilt sikkert jobba vidare med. Det kan vera behov for å sjå på heile snøggbåtstrukturen i Sunnhordlandsbassenget, og då kan det vera at Herøysundet likevel vil spela ei rolle, seier den komande ordføraren.
| | | Husnes til Os
Knut Prestnes i Sp stadfestar at dette blir ei viktig sak for fleirtalsgrupperinga.
– Min første reaksjon er at vedtaket var skuffande, ikkje minst for folket på nordsida som ikkje får Vikane som stjernestopp. Det var jo eit stort fleirtal i kommunestyret for å inkludera Herøysundet, sjølv om Sp ikkje fekk tilslutnad til framlegget om å la ruta starta i Herøysundet, og så gå til Rosendal. Det er klart at snøggbåttilbodet, spesielt i ytre delar av Kvinnherad, ikkje er tilfredsstillande på nokon måte. Vi vil jobba målbevisst med å styrka tilbodet att, opplyser Prestnes.
Samferdselsutvalet handsama også Benthe Bondhus (Sp) sitt framlegg om ny rute mellom Husnes og Os. Det var Odda-representanten Terje Kollbotn (RV) som formelt føreslo dette under møtet, men han fekk ingen støtta i utvalet. Forslaget vart dermed stemt ned.
| | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
