|
|
|
Imponerande bortesiger |  | | Eit lukkeleg Rosendalslag etter sigeren mot Odda. |
| | | | Damelaget til Rosendal imponerte stort i den særs viktige kampen mot Odda søndag. Laget vann 3-0 og kan dermed sikra opprykk heime på stadion allereie komande laurdag. | | | Det var knytt stor spenning til lokaloppgjeret i 4. divisjon mellom Odda og Rosendal. Vinnaren av bataljen ville setja seg i førarsetet i opprykkskampen. I den jamne fyrste omgangen viste laga tydeleg at det dreia seg om eit toppoppgjer.
– I fyrste omgang kunne det ha vippa begge vegar, men Erna Mikkelsen heldt oss inne i kampen med nokre praktredningar. Odda-trenaren fortalde etterpå at han ikkje skjønte korleis ho kunne redda fleire av sjansane, rosar Rosendal-trenar Stig Dagfinn Tveiten.
| | | Endra til 4-4-2
Laga gjekk til pause med 0-0, men då gjorde gjestene frå Kvinnherad grepet som endra kampen sin karakter totalt.
– Eg høyrer mykje på innspela til Reidun Musland. Ho er ein god kaptein, og også flink til å gje tilbakemeldingar til meg. Ho føreslo å leggja om frå 4-3-3 til 4-4-2, og den endringa fann aldri Odda ut av.
Om det bare var systemskiftet som gjorde det er ikkje godt å seia, men uansett så dominerte Rosendal dei siste 45 minuttane. Hildegunn Guddal og Line Steffensen Holmedal vart sett på topp, og dei leverte varene til fulle.
Dei to fyrste scoringane karakteriserer trenaren som kranglemål, der høvesvis Hildegunn (1-0) og Line (2-0) kjempa og slost i målgarden, og nærast truga ballen i mål. Sistemålet var også signert Hildegunn Guddal, denne gongen mottok ho ballen på 16-meteren, forserte inn i feltet og scora kontant.
– Det var ein kjempegod laginnsats. Alle saman stod verkeleg på. Odda hadde ikkje tapt før i år, og sleppt inn få mål, men no fekk dei altså tre stykke i mot. Etter pausen hadde vi full kontroll, og vinn duellane i midtbaneleddet, seier Tveiten.
| | | Går for siger
Laurdag kjem Fana 2 til Rosendal. Vinn Rosendal så er puljesiger og opprykk sikra, og resten av sesongen vil då dreia seg om kretsmeisterskapen.
– No er det opp til jentene. Vi har ein litt lei skadesituasjon, så det viktigaste blir å kunna stilla med ein bra tropp. Til Odda hadde vi med 15 spelarar, og det er det beste vi kan håpa på. Reidun Musland fekk ein skade, og eg veit enno ikkje om ho vert klar til Fana-kampen. Men det er ingen tvil om at jentene er veldig på hogget for tida, melder trenaren.
Han kjem med ei klar oppfordring avslutningsvis:
– Det hadde vore utruleg kjekt med skikkeleg oppbacking på laurdag, og at folk kjem for å støtta oss i denne kampen. Vi går for siger, for eg vil for all del unngå kvalifiseringsspel. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
