|
|
|
Kurs i gamal byggjeskikk |  | | Ivar Gravdal (på taket) held kurs i leggjing av rastaheller for folk frå Vangssago, kystlaget og KVV. Torsdag gjorde dei oppmåling av restaureringsobjektet på Malmanger prestegard. |
| | | Ni karar er i gang med kurset «Legging av rastaheller». Saman med kursleiar Ivar Gravdal skal dei restaurera halve taket på skykkja på Malmanger prestegard.
| | | Representantar frå Interesselaget Vangssago, Kvinnherad kystlag og KVV møttest torsdag til fyrste økt i kurset, der dei skal læra å leggja rastaheller på tradisjonelt vis. Seansen byrja med ei samling i borgstova for teoretisk gjennomgang av arbeidsprosessen.
– Rastaheller er den eldste typen tilhogde helletak vi kjenner til, opplyste Ivar Gravdal.
| | |  | | Ivar Gravdal (ståande) held kurs i leggjing av rastaheller for folk frå Vangssago, kystlaget og KVV. |
Vêrhardt område
Han har sjølv lang erfaring med ulike restaureringsprosjekt frå mange kommunar. Mellom anna utførde han oppussinga av prestegarden i Rosendal, han deltok i bygginga av Lyngheisenteret i Lindås, og skal no i gang med eit prosjekt på Os.
– Vi lever i eit vêrhardt område, så det er erfaring og erfaring som gjeld, forklarte Gravdal.
Det typiske rastahelletaket vart lagt utan bordtak, slik at ein kunne sjå undersida av hellene inne i bygningen.
Etter teorien fekk deltakarane sjå fotografi frå andre av Gravdal sine prosjekt. Før-etter-bileta viste at sjølv dei mest falleferdige bygg, kunne enda opp som flotte palass etter at kyndige hender hadde gjort sin magi.
– Det er viktig å ta vare på ting som ser shabby og til nedfalls ut, meinte han.
Han forklarte at dokumentasjon er noko av det viktigaste ved restaureringsprosjekt, sameleis det å ha system i arbeidet. Til dømes ved at den siste hella ned, skal vera den fyrste opp att, og at rastene bør setjast kvar for seg.
| | | Originaltak
Kursdeltakarane skal gjennomføra eit konkret oppgåve, nemleg å fiksa siste halvdel av taket på skykkja på Malmanger prestegard. Rastahellene må takast ned, bord må skiftast og ein skal leggja opp sutaksplater. Til slutt skal hellene opp på nøyaktig same stad dei opphavleg låg.
– Skykkja har originaltak og alle hellene er der. Det er viktig å leggja hellene attende på rett plass, då vert det eit originaltak att, formana Gravdal.
Blant deltakarane er Bjørn Inge Mehl frå Interesslaget Vangssago, eller Vangsgutane som Gravdal kallar dei. Dei skal straks leggja rastaheller på tilbygget til sago.
– Vi er på kurs for å kunne gjera den jobben, meininga er å byrja no når vi har fått litt instruksjon, forklarte han.
Vangssago har fått heller til bygget sitt frå eit stabbur på Løfallstrand.
At det å leggja tak på rett måte er viktig, er det liten tvil om. Ivar Gravdal seier det slik:
– Kvifor dett hus ned, jo, fordi taket ikkje er tett. Viss taket er skikkeleg, så kan huset stå lenge. | | | | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
