|
|
|
Spelte trommer med Ole Ivars |  | | Gutedraumen til Torkjel blei oppfyllt då han fekk entra scena å spela saman med Ole Ivars |
| | | Ganske mange i Kvinnherad kjenner namnet Torkjell Nerhus, enten dei har vore på korpskonsert, er jazzinteressert eller at dei har vore innom garden hans i Rosendal for å spela putball.
| | | Siste helga i august fylte Torkjell Nerhus 55 år, og han hadde lyst å invitere gode venner til eit lite lag, men det skulle visa seg å vera vanskeleg då tidspunktet for feiringa passa dårleg for dei fleste.
Dagen kom og Torkjell var i gang med arbeid heime på garden og ante fred og ingen fare, då det plutseleg dukka opp ein maxitaxi og ein personbil inne på tunet.
– Torkjel, sjå til å få på deg andre kle, me skal på spelejobb, kom det frå Lars og Stein, dei to kompisane hans i Rosendal og Omland Jazzverk.
| | | Ferdigpakka koffert
Kona til Torkjell, Reidun hadde av ein eller annan grunn kofferten ferdig pakka så det var snart gjort å koma seg i bilen. Torkjell hadde ingen peiling på kor det bar, men han byrja å kjenna på seg at noko var på gang. Ferda gjekk mot sør, fyrste stopp var hjå ein traktorforhandlar der det vart spandert kaffi og kvit dame på jubilanten, etterpå bar det direkte til eit hotell i utkanten av Haugesund.
Då Torkjell fekk sjå at orkesterbilen til sjølvaste Ole Ivars stod parkert ved hotellet byrja han å skjøna at noko var i gjære, men då han spurde kompisane sa dei berre at dette måtte vera heilt tilfeldig.
Utpå kvelden blei Torkjell nok ein gong plassert i ein bil og turen gjekk på kryss og tvers på Haugalandet heilt til dei parkerte utanfor Norheimshallen, no meinte Torkjell at han hadde «knekka koden», dei skulle på dansegalla med Ole Ivars. Dans blei det og for ein kar som likar musikken til Ole Ivars, i tillegg til at han og kona elskar å dansa sving, så var dette heilt topp.
Midt i mellom to melodiar skjedde så det heilt store: Ole Ivars opplyste at ein gjeng frå Rosendal var på tur for å feira bursdagen til ein god ven, denne karen er ein allsidig trommeslagar.
– Og no vil me at Torkjell Nerhus skal koma på scenen å spela ein låt med oss….
– Kva tenkte du då Torkjell?
– Eg trur ikkje eg tenkte i det heile tatt for ut frå det som vennene mine fortalde meg etterpå var eg oppe på scenen før Ole Ivars var ferdig med å snakka.
– Men dette må jo ha vore ganske stort?
– Ja, dette var ein draum som eg har gått med sidan gutedagane, då eg og bror min høyrde mykje på Ole Ivars.
– Kva for ein melodi var det du spelte med Ole Ivars denne kvelden?
– Det høyrest kanskje løye ut men det veit eg ikkje, du kan få telefonummeret til ein av musikarane i Ole Ivars så kan du ringja å spørje han?
Me tok telefonen straks å ringde William Kristoffersen i Ole Ivars, som denne veka spelar på Magaluf på Mallorca.
– Hei, det er frå Grenda kan du fortelje oss kva for ein melodi som vart spelt den kvelden trommeslagaren frå Rosendal Torkjell Nerhus hadde gjesteopptreden?
– Å Torkjell, han hugsar eg godt, han var ein kompakt og flink trommeslagar, me spelte for anledningen ein jazzlåt som har tittelen The Preacher. Det var saxofonisten vår som valde ut denne då han hadde høyrt at Torkjell var god på jazz.
– Klarte Torkjell seg bra?
– Det gjorde han, me i Ole Ivars var faktisk samde om at dersom me hadde bruk for ein vikar ein gong kunne me godt tenkje oss å kontakte Torkjell, avsluttar William Kristoffersen. | | | | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
