|
|
|
Gull og sølv til Ragnhild |  | | Ragnhild Femsteinevik (t.h.) tok gull på stafetten og sølv på sprinten under skiskyte-NM for 15- og 16-åringar. (Foto: Privat) |
| | | | Ragnhild Femsteinevik stod for to sterke skiskytar-prestasjonar under NM for 15- og 16-åringar. | | | Tre hatletrendingar stilte på startstreken under NM for 15- og 16-åringar i Alta fredag, laurdag og sundag. Thomas Netland og Martin Femsteinevik stilte i G16-klassen, men det var søster til sistnemnde, Ragnhild, som markerte seg sterkast, i J15-klassen.
Ein middels start på meisterskapen gav 11.-plass på normaldistansen. Med tre bom vart ho totalt 2,36 minutt bak lagvenninna i Hålandsdalen IL, Ingvild Berlandstveit, som skaut feilfritt. Det måtte altså Ragnhild også gjort for å gå til topps, medan ein bom ville gitt sølv.
| | |
Medaljejenta
Men Ragnhild skulle slå kraftig tilbake. På sprinten laurdag var langrennsforma på vanleg nivå, og sjølv om ho måtte sjå to blinkar bli ståande oppe etter den første skytinga, hadde ho los på medalje. Berlandstveit gjekk også godt, og trass i ein bom hadde ho 27 sekund klaring til Femsteinevik i mål.
– Det gjekk bra på sprinten, men eg måtte hatt fullt hus for å vunne. Det er for så vidt litt greitt å vita, fortel den vordande konfirmanten til Grenda.
På sundag gjekk ho og Berlandstveit dei to første etappane på hordalandslaget i stafett. Vossejenta Trine Salbu gjekk siste etappe. Ragnhild starta langt bak i feltet, men gjekk ein svært god etappe. Etter andre skyting var ho i tet aleine, og la grunnlaget for at resten av laget kunne trygga leiinga gjennom dei neste etappane.
– Alle gjekk fort og skaut godt. Det var veldig kjekt og gir god inspirasjon, seier ho.
– Jentene gjekk superbra, og det var ein veldig solid siger, 1 minutt 22 sekund føre neste lag. Stafetten var hovudmålet for Hordaland dette året, og det er kjekt at dei lukkast. Det er veldig samlande for kretslaget, fastslår trenar og pappa, Arnt Ove Femsteinevik.
| | |
Stabile Martin
Martin Femsteinevik tok med seg 24. og 25. plass på dei individuelle konkurransane. På normaldistansen måtte han bokføra to bom og 2.21 i avstand opp til vinnaren. På sprinten hadde han ein bom og 1.33 opp til teten.
– Det er på dette nivået Martin er no for tida, og han er godt fornøgd med dette. Ser ein mot fjorårets U-NM, så har han løfta seg frå 70. plassen då, fortel Arnt Ove Femsteinevik.
I tillegg gjekk Martin opningsetappen på stafettlaget til Hordaland, og veksla som nummer tre på laget som til slutt vart 13.
Martin går framleis på cellegift som held boldverdiane hans 15 til 20 prosent under det som er normalen hos konkurrentane. Når medisineringa er over vil han oppleva eit fysisk løft som vonleg vil bringa han inn i topp fem-sjiktet.
– Me håper sjølvsagt på det, vedgår pappa.
| | |  | | Thomas Netland var uheldig og øydela kolben på geværet. Det spolerte sprinten og stafetten for han. (Foto: Privat) |
Uheldige Thomas
Thomas Netland starta hovudlandsrennet med ein fin 30. plass på normaldistansen, med to bom og 2.28 minutt opp til førsteplassen. På veg til skiskytarstadion til sprintøvinga på laurdagen, var Netland uheldig og knekte kolben på geværet.
– Det øydela både sprintløpet og stafetten for Thomas. Han fekk låna seg eit gevær i hu og hast, og måtte starta laurdagen med å skyta inn eit nytt våpen, som ikkje var tilpassa han. Dermed fekk han dessverre ikkje vist kva han er god for, korkje på sprinten eller under stafetten, forklarer Arnt Ove Femsteinevik. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
