|
|
|
Slutt for landhandelen i Mauranger |  | | Landhandelen i Sundal vert nedlagt i haust. (Foto: www.mauranger.no). |
| | | Ein epoke i kvinnhersk daglegvarehandel er slutt i september. Gitle Gausvik har nemleg bestemt seg for å stengja landhandelen i Sundal.
| | | E. G. Gausvik Landhandel på kaien i Sundal har vore ein sentral møte- og handelsplass for innbyggjarar og turistar i Mauranger i mange, mange år. Men snart går landhandelen over i historiebøkene. Eigar og drivar Gitle Gausvik ynskjer ikkje å uttala seg i avisa, men stadfestar at butikken stengjer døra kring midten av september. Nedlegginga omfattar både daglegvaresortimentet og bensin-/dieselpumpene.
| | | Fin butikk
Kenneth Bondhus, leiar i Ænes og Mauranger Bygdalag, synest det er synd at butikken skal leggjast ned.
– Det blir jo vanskelegare for oss å ikkje ha butikk, og heretter må vi heilt til Rosendal eller Odda for å handla. Spesielt vert det tungvint for eldre folk som ikkje har tilgang på bil, dei blir avhengige av å få andre til å handla for seg, seier Bondhus.
Rett nok kan ein kjøpa aviser og litt småting på campingplassen, men det gjeld berre i sommarsesongen.
Sidan det er få arbeidsplassar i Mauranger, er det mange innbyggjarar som jobbar i mellom anna Rosendal og Odda.
– Der kan folk handla alt dei treng. Landhandelen i Sundal har truleg levd mykje på turistane, medan november til februar nok har vore tyngre månader. No mistar vi ikkje berre ein butikk, vi mistar også ein viktig møteplass for gamle og unge, tenkjer bygdelagsleiaren.
– Det har alltid vore ein fin butikk med kjekke folk, helsar Kenneth Bondhus avslutningsvis. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
