|
|
|
Offensiv Everest-klatrar |  | | Jarle Trå fortalde detaljert om den dramatiske turen til Mount Everest i fjor. |
| | | | Ein offensiv Jarle Trå fortalde laurdag om fjorårets drama på Mount Everest. Etter å ha amputert fingrar og tær, er eventyraren igjen byrja å utfalda seg i naturen. | | | – Vi får kryssa fingrane for at teknikken fungerer. Eller – de får kryssa fingrane, det er litt vanskeleg for meg, spøkte Jarle Trå føre om lag 100 tilhøyrarar i Rosendal Samfunnshus.
Den Voss-busette karen frå Granvin presenterte føredraget «Everest – mot alle odds», og la naturleg nok mest vekt på dramaet i mai 2009.
| | | Strid med Dagbladet
Men ekspedisjonskarrieren starta allereie i 1994, då han vandra Norge på langs. Elles sveipa han innom suksessfulle turar til Denali i Alaska, Shisha Pangma i Himalaya, Kilimanjaro i Afrika, Aconcagua i Sør-Amerika, og skikryssinga av Grønland i 2001.
– Neste ekspedisjon går til Olympus Mons på Mars. Dagbladet skal vera sponsor og Jon Gangdal pressetalsmann. Sjølvsagt skal eg klatra utan ekstra oksygen, ironiserte han, og retta dermed det fyrste av mange spark mot Dagbladet.
For det er liten tvil om at Trå er kraftig irritert på avisa sin omtale av redningsaksjonen på Mount Everest. Partane har allereie vore innom Pressens faglege utval, og det kan fort bli ein runde i rettsapparatet. Trå meinte at å klatra solo utan ekstra oksygen ikkje var dumdristig, og hevda til og med at dødsrata på Everest er høgare for klatrarar med oksygen enn for dei utan. Han understreka også at redningsaksjonen ikkje hadde kosta norske myndigheiter ei krone. Men han vedgjekk at dei to sherpaene han møtte i Camp 3 truleg redda livet hans.
| | | Zombie
Forteljinga om dramaet i dødssona var spennande å høyra på, det er ein historie som ingen andre i verda har opplevd og overlevd. Trå sa han følte seg i svært god form før toppforsøket, men har i ettertid konkludert at vanskane skuldast etappen opp til 7900 meter. Den dagen var nemleg uvanleg varm, klatraren byrja å sveitta og fekk diare, noko som igjen førte til dehydrering.
– Eg fekk for lite oksygen opp til hjernen, og vart nesten til ein zombie, diagnostiserte Trå.
Han har ikkje klar hugs om alt som seinare skjedde, men trur han snudde 50 høgdemeter frå toppen.
Etter eit lengre sjukehusopphald og amputasjon av fingrar og tær, smiler livet igjen til fjellmannen. Det siste halve året har han både sykla mykje og gått turar til fots.
– Alt eg gjer er basert på naturglede, filosoferte han.
Oda Hveem frå Halsnøy krydra føredraget med vakker folkemusikk på saksofonen sin. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
