|
|
|
Tunnelmasse til England |  | | Steinmassen frå Jondalstunnelen vert truleg eksportert til England. Biletet er frå dagen den fyrste salva gjekk av i Nordrepollen. |
| | | | Torsdag vart det arrangert folkemøte i Nordrepollen om Jondalstunnelen og massedeponiet. Då vart det kjent at entreprenøren jobbar med å få seld steinmassane til England. | | | I tillegg til representantar for Statens vegvesen, Kvinnherad kommune og entreprenøren Kruse Smith, samla møtet 20-25 interesserte sjeler.
– Det vart gjeve ei generell orientering om reguleringsplanen og konsekvensanalysen for massedeponiet. I tillegg vart det informert om dei daglege problema og utfordringane med tunnelarbeidet, opplyser Roald Sletten, planansvarleg for Statens vegvesen.
Sletten fortel at sjølve drifta går veldig bra, men at stenginga av vegen mellom Nordrepollen og Austrepollen kan by på praktiske vanskar for innbyggjarane.
Men det store nyhendet på folkemøtet var at tunnelmassen truleg vert eksportert til England.
– Det kan bli aktuelt å eksportera heile tunnelen, med unnatak av 90.000 kubikk som vi har løyve til å deponera i Nordrepollen. Massen er attraktiv på grunn av dei store mengdene og den gode kvaliteten, fortel Sletten.
| | | Utskipingsordning
Entreprenøren Kruse Smith, som vil stå for salet, understrekar at alle formalitetar enno ikkje er på plass.
– Ingenting er avklart, men vi jobbar med å få seld steinen. Vi har anledning til slikt sal, avgrensa til anleggsperioden, seier Bjørn Velken, Kruse Smith sin prosjektleiar for Jondalstunnelen.
Velken informerer at to tilhøve må avklarast fyrst: Kruse Smith må få dispensasjon frå arealplanen for å kunne etablera ei utskipingsordning i Nordrepollen. Konkret ynskjer firmaet å plassera ein lekter der på midlertidig basis, som skal nyttast som kai. Dernest må det vera økonomi i prosjektet.
– Det vil kosta ein del å leggja til rette for eksport, men samstundes er det stor interesse for god stein, ikkje minst frå England, meiner Velken.
Han opplyser at det er britiske vegprosjekt som i så fall er aktuell mottakar av massen. Og det kan fort dreia seg om store mengder.
– I utgangspunktet er brorparten av overskotsmassen aktuell for sal. Allereie er mykje masse klar, sidan vi no nærmar oss halvparten av tunnelen frå Kvinnherad-sida, avsluttar Bjørn Velken. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
