|
|
|
Snart 3,5 km tunnel |  | | Byggjeleiar Hallvor Solheim i Statens vegvesen kan ikkje lova at Jondalstunnelen vert opna tidlegare enn planlagt. August 2013 er derfor framleis hans utgangspunkt. |
| | | | Framdrifta av Jondalstunnelen er betre enn forventa. Men vegvesenet tvilar likevel på at tunnelen vert opna tidlegare enn planlagt. | | | Per tysdag var det grave ut 3.410 meter Jondalstunnel, fordelt med 2.390 meter på Kvinnherad-sida og 1.020 meter på Jondal-sida. Totalt skal tunnelen verta 10.050 meter lang. På «vår» side av tunnelen har arbeidarane for tida om lag 700 meter fjell over hovudet.
– Vi har hatt god framdrift, betre enn forventa. Hovudårsaka er at vi har møtt bra fjell hittil. Under arbeidet med Folgefonntunnelen møtte vi mykje sprakefjell, men det har vi ikkje hatt her, seier Hallvor Solheim, byggjeleiar for Statens vegvesen.
Uttrykket «sprakefjell» viser til sprake-lyden som steinmassane lagar dersom det er høge spenningar i fjellet. I Folgefonntunnelen sleit arbeidarane med mykje laus stein i veggane, og måtte derfor bruka mykje meir sprøytebetong og boltar enn kva tilfellet er med Jondalstunnelen.
Nøyaktig kvar i geografien gjennomslaget vert, veit ikkje vegvesenet sikkert enno.
– Vi har kome over 1.200 meter lenger på Kvinnherad-sida, noko som sjølvsagt skuldast at vi starta fyrst på denne sida. Riggane skal i utgangspunktet gå til dei møtest, så det er mogleg at det vert gjort noko meir driving herifrå, vurderer Solheim.
| | | Testing og godkjenning
For nokre veker sidan uttalte styreleiar Arne Havnerås i Jondalstunnelen AS at han hadde god von om at opninga av tunnelen kunne framskundast. Men Hallvor Solheim er ikkje viljug til å lova ein tidlegare dato.
– Vi har ein kontrakt med Kruse Smith som seier at heile prosjektet skal vera ferdigstilt i august 2013. Entreprenøren kan nok verta ferdig tidlegare, men så skal vi gjennom ein prosess med testar og sikkerheitsgodkjenning. Vi treng ein del tid til denne biten, så det tidspunktet entreprenøren er ferdig er ikkje det tidspunktet bilane får køyra gjennom. Det er såleis ikkje sikkert at opninga vil skje noko særleg før det som er planlagt, seier byggjeleiaren. | | | | |
|
|
|
 | | | | | | | Attende til start | | Les meir | (03.02.2012) | | | | Seks nye bueiningar i emning | | Les meir | (03.02.2012) | | | | Sunde og Uskedalen veks mest | | Les meir | (01.02.2012) | | | | Orkan i kasta | | Les meir | (30.01.2012) | | | | Ny jobb for Førland | | Les meir | (27.01.2012) | | | | Heimevernet til Landsskyttarstemnet | | Les meir | (26.01.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
