|
|
|
Redda ruta til Bergen |  | | Sunnhordlandruta til Bergen vart i føremiddag redda etter at eit samrøysta samferdselsutval valde å stryka forslaget om nedlegging. |
| | | | Fylket sitt samferdselsutval gjekk i dag samrøystes inn for å stryka forslaget om å leggja ned sunnhordlandruta til Bergen. Rett i forkant av møtet overleverte eit knippe kvinnheringar heile 2.403 underskrifter mot nedleggingsforslaget. | | | Om det er grasrotopprøyret som åleine har vore avgjerande er vanskeleg å seia, men Grete Rørvik, Marianne McFarland og Veronica Opsanger frå Sunde og Husnes er ikkje i tvil om at denne har hatt stor betyding. I underkant av to døgn fekk Facebook- og underskriftskampanjen «Sunnhordland-Bergensruta skal bevares!» over 2000 underskrifter, og nye kom stadig til. I førekant av samferdsleutvalet sitt møte på Fitjar i føremiddag overleverte dei tre damene personleg ei liste med i underkant av 2.403 underskrifter mot nedlegging av ruta.
– Vi fekk førespegla at fylkesrådmannen skulle vera der, noko han likevel ikkje var. Men vi har i alle fall fått levert frå oss underskriftene. Engasjementet kring denne saka har vore heilt fantastisk, og dette har utvilsamt bidrege til at ruta no truleg likevel får bli. Dei kjem aldri til å våga å leggja ned ruta når dei ser kor stor motstanden er, sa Grete Rørvik til Grenda kort tid etter overleveringa.
Ho sa at nedleggingsforslaget i seg sjølv var så bak mål at det ville vore nærast umogleg å gjennomføra i praksis.
– Distriktspolitisk ville det vore ei krise å leggja ned ruta. Noko slikt ville vore eit stort tilbakesteg for oss som bur i distriktet. Pendlarar, skuleelevar, reisande til fly, sjukehus og så vidare, mange hadde kome til å fått problem som følgje av ei slik nedlegging, sa ho.
Saka no skal vidare til fylkesutvalet, men med samferdselsutvalet si stryking av punktet om nedlegging av ruta i si innstilling, er det ingenting som tyder på at fylkesrådmannen får vilja si.
| | | |
| | | |
| | |
| | | | |
|
|
|
 | | | | | | | Vil selja eit 30-tals husvære | | Les meir | (22.02.2012) | | | | Kåra til beste lokallag | | Les meir | (20.02.2012) | | | | I full blom | | Les meir | (17.02.2012) | | | | Vil hjelpa deg å oppfylla draumane | | Les meir | (15.02.2012) | | | | 30 meter bh i vinden | | Les meir | (14.02.2012) | | | | Panfløytekonsertar | | Les meir | (13.02.2012) | | |
| | Nyhendearkiv | | |
 | |  |
|
| |
| Meiningsmåling |
| Har kulturtilbodet noko å seia for kvar du vil bu? | | |
|
|
| | |
 | |  |
|
| |
|
