|
|
|
Går Norge på langs |  | | •• Geir Eidsvik (48) har gått til fjells sidan han var 5-6 år og har kondis og krefter langt over gjennomsnittet. Han trur at han, nett som makrellen, vil omkomma dersom han ikkje får vera i aktivitet. |
| | | | Geir Eidsvik (48) kan sjå både roleg og godsleg ut, men han er sterk som ein bjørn og like ustyrleg som ein makrell. Måndag legg han ut på ein tre månaders spasertur frå Nordkapp til Lindesnes. | | | Geir Eidsvik er ikkje typen som oppsøkjer ekstrem opplevingar for farane si skuld. Einaste grunn han har for å leggja ut på ein 2518 kilometers spasertur, tvers over landet, er at han har berre må prøva om han kan klara det. Dessutan trivst han aller best ute i friluft.
Etter å ha samla opp ferie, avspasering og pengar legg han måndag endeleg ut på sin tre månader drøymetur til fots. Ein tur som i luftline er like langt som herfrå til sørspissen av Italia.
Ustyrleg energibunt
Geir er oppvaksen i Uskedalen, og bortsett frå eit år i militæret og nokre år vekke på anlegg, har han budd der heile sitt liv. I kvardagen er den solbrune fjellfanten gift med Vigdis og far til tre halvvaksne ungane på 23, 20 og 13 år.
Han er ofte å sjå gåande på vegen, att eller fram til jobben på Eidsvik skipsbyggjeri. Eller i kassen på Sparbutikken, smilande med kvitt rufsete hår, skjeggstubbar og rutete flanellsskjorte.
Men elles kan ikkje Geir vera mykje roleg og lett å halda styr på. Så snart han er ferdig med pliktene sine her i låglandet, stikk han til fjells.
| | | Sur og vrang
– Eg vert sur og vrang, går på veggene dersom eg vert sitjande inne og sløva i sofaen. Det er som å skru på ein brytar å koma seg ut, uansett vêr. Eg er nok akkurat som makrellen, dersom ein held han i ro døyr han, seier Geir med eitt breitt smil.
Han går oftast aleine, men det er ikkje fordi han er folkesky. Det er fordi han som regel fer av garde på impuls. Då har ein ikkje tid til å venta på at andre skal bestemma seg for om dei skal bli med. Dessutan er han oppe lenge før hanen gjel, og er komen langt til fjells før andre har tenkt på å stå opp.
– Det å byrja turen i 10 -11 tida er langt på dag. Det er nesten å kasta bort dagen, meiner han.
I tillegg bør ein nok vera i svært god form for å hengja med. Han tek gjerne to-tre toppar i slengen når han først er i gang, utan å ta av seg sekken, same kor tung han måtte vera.
– Nei, då vert det berre så kaldt på ryggen. Eg står heller berre og kvilar meg litt på stavane, forklarer han lett.
| | | I arv etter far sin
Geir har med andre ord ikkje hatt trong for leggja seg i hardtrening for å gå heile Norge på langs. Han går jo heile tida til dagleg, har ikkje stillesitjande jobb ein gong.
Det å gå, helst ute i naturen og aller helst langt over tregrensa, langt vekk frå jobben og kvardagens stress og mas, er ei glede han har fått i gåve frå far sin.
Han er einaste guten av tre sysken, og han og faren gjekk mykje på fjellet i lag heilt frå han var 5-6 år. Dei var overalt, både på ski og på beina. Om hausten fiska dei og om vinteren såg dei på hjorten.
– Ikkje for å skryta, men eg trur eg har vore ved alle fiskevatna og på alle fjelltoppane i heile kommunen. Eller i alle fall på alle fjella som er over 6-700 meter, seier han.
Seinare var det eldste dotter, Elisabeth, som alltid sat klar, tidleg om morgonen, for å hiva seg med når pappa skulle på ut tur.
Geir også vore ute på fleire krevjande ekspedisjonar oppigjennom åra rundt i landet. Han har gått til fots frå Pasvik til Treriksrøysa, over til Ivalo i Finland og vidare over Finnmarksvidda og ned i Reisadalen. Og han gått både på ski og til fots over Hardangervidda frå Rogaland til Finse, og på ski over Fillefjell, Jotunheimen og Saltfjellet.
I det daglege likar han seg aller best i Blådalen og på Hardangervidda. Og han har sin andre heim på Kvinnherad Turlag sine hytter på Fonnabu og han er aktiv medlem av gjengen har tilsyn med hytta. Han var oppe 27 gongar på hytta i fjor og overnatta 15 netter.
Les meir i Grenda laurdag 14.06.03 | | |  | | •• I luftline er fotturen frå Nordkapp til Lindesnes 2815 kilometer. Det er like langt som herifrå til sørspissen av Italia. |
| | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
