www.grenda.no Lokale nyhende 25.07.2014
Søk i nyhende
 
 
Sider
   Om Grenda
   Abonnement
   Vi i Grenda
   Annonser
   Returlister
   -
 
Abonnement
   Abonner på Grenda
 
Lenkjer
 
PDF-utgåve av Grenda
 
Landslaget for Lokalaviser
 
Kvinnherad kommune
 
Uskedalen.no
 

 

 

 

 

 

 

 

 

 

 

 

 

 

Vi leiter etter Kvinnherads beste redesign

Klikk på bilete for full størrelse
Interiørstylist Signe Schineller (t.v.) og Elisabeth Berg Hass i Grenda er på jakt etter dei flottaste redesigna i Kvinnherad. (Foto: Maylin Kristiansen).
 
I samarbeid med interiørstylist Signe Schineller lanserer Grenda ein konkurranse i redesign. Gje ein gjenstand eller eit møbel nytt liv, og ver med i trekninga av flotte premiar.

 
Interiørstylist og inspirator Signe Schineller, kjent mellom anna frå «Sinnasnekkeren» og «Herlige hjem», har spesialisert seg på redesign. Gjennom sitt eige merkenamn re:signert har ho gjeve mang ein gjenstand og møbel heilt nye funksjonar eller utsjånad.
– Gjenbruk er spennande på så mange måtar. Miljøperspektivet i det er viktig, og i tillegg er det utruleg mykje flott og funksjonelt som kan veksa fram av det ein elles kanskje ser som søppel, fortel Schineller.
Som døme trekk ho fram at gamle kommodar kan bli til tøffe hyller, drivved frå fjæra kan bli til ein stovekrakk eller eit lite bord, restmateriale av tapet eller tekstil kan gje møbler eller gjenstandar ein heilt ny utsjånad, noko knust kan limast saman og såret kan pyntast på – ja det er berre fantasien som sett grenser.
– Her bør ein tenka vidare enn berre til malekosten. Bruk fantasien, ein treng ikkje store, tunge verktøy for å få til noko tøft. Ein kan koma langt òg med enkle reiskap, smiler ho.
 
Send inn bilete
No er Schineller og Grenda nysgjerrige på kva kvinnheringar kan få til å redesigna. Bli med i konkurransen, og vinn flotte premiar. Dei beste bidraga vert i tillegg presenterte i avisa.
Det du må gjera for å vera med, er å senda inn bilete av ditt beste redesign, enten det er noko du allereie har laga eller du kan hiva deg rundt og laga noko no.
– Før-bilete er ikkje naudsynt, men legg ved ein liten tekst på nokre linjer som skildrar kva du har gjort og tenkt kring gjenstanden/møbelet, seier Schineller.
Frist for innsending er 10. mars. I veka som følgjer etter at bidraga har kome inn, kan alle som vil vera med og røysta fram sine favorittbidrag. I denne prosessen avslører me ikkje kven som står bak dei enkelte bidraga. Eit dommarpanel beståande av Grenda-tilsette, Schineller samt ein annan kjent interiørstylist som vi avslører namnet på neste veke, vil til slutt kåra 1., 2. og 3. plassen av dei bidraga som har fått flest røyster. Dei tre beste vert alle premierte og presenterte i avisa.
– Det vi kjem til å sjå etter, er genuinitet og kreativitet, at oppgåva er smart løyst – det enten ved at redesignet har fått same funksjon som tidlegare eller eit heilt nytt bruksområde. Fargeval og kombinasjonar kan òg inspirera til å velja ein vinnar, seier Schineller, som oppmodar mange til å melda seg på.
 
 
Oppdatert: 14.02.2013  

Tips ein bekjentKommentar til forfattar

 Tilbake
 

 

 
Siste nyhende
 
Spennande Folgefonnkonferanse
Les meir(25.07.2014)
 
Samarbeider om Norway Cup
Les meir(23.07.2014)
 
Luksusskip på besøk
Les meir(22.07.2014)
 
Levde blant løver
Les meir(18.07.2014)
 
Rettssak i november
Les meir(17.07.2014)
 
Varm møtestad
Les meir(15.07.2014)
 
Nyhendearkiv
 
 
Meiningsmåling
Kva er ditt favoritt ferieland?
 
Norge
Sverige
Danmark
England
Frankrike
Tyskland
Spania
Italia
USA
Andre
 
 
Sjå Resultat
 
 
Utvikla av iDrift AS  

 

 
(c) 2003 Grenda AS,    Vangsvegen 1, 5470 Rosendal.    Telefon: 53 48 71 00.    E-post: post@grenda.no