|
|
|
Verda rundt på einvegsbillett |  | | •• Alf Helge Hermansen (27) og Anette Rusten (26) ser fram til fem månader på reis rundt jorda. |
| | | | Måndag letta Alf Helge Hermansen (27) og Anette Rusten (26) frå Flesland på verda rundt billett med ni stopp. Blant reisemål er Hong Kong, Hawaii og Zambia. Der, langt uti bushen, bur det ein lege som Alf Helge ynskjer å takk for at han er i live. | | | Vi treff det vinterbleike sambuarparet heime ved kjøkenbordet på Sandvoll berre nokre få dagar før avreise. Det er tidleg vintermorgon. Anette har berre to dagar att på jobb som vikarlærar på Undarheim skule. Alf Helge skal køyra til Matre for siste gong på jobben sin som elektromontør.
Alle dei 11 vaksinasjonssprøytene er sett og billetten er betalt. Dei to reiselystne ungdommane kan nesten ikkje venta på å koma seg avgarde til varmare strok, lange late dagar og masse spanande opplevingar.
| | |
På lukke og fromme
Fem blanke månader ligg framføre dei, berre planlagt i heilt grove trekk. Dei tykkjer det er mest spanande å oppleva ting etter innfallsmetoden.
– Det er berre stress å ha for mykje program. Då kjem ein berre heim heilt utsliten. Eg likar kanskje litt meir plan enn Alf Helge, Passar i alle fall på at vi har nok pengar, seier Anette smilande.
Det siste månadene har dei berre jobba og spart alt dei har klart til reisa. Ein kan kjøpa verda-rundt-billett med 15 stopp, og vera på reise i ein retning rundt jorda i opptil eitt år.
Billetten dei har kjøpt for 19.400 kroner har ni stopp.
Første etappe av reisa går via København og Frankfurt, rett til Johannesburg i Sør Afrika der dei skal vera i seks veker. Neste stoppestad er Hong Kong. Der skal dei vera i to veker. Etter det vil dei ta rutefly utanom billetten til Bangkok eller Singapore, og så bruka ein månad på å reisa attende til Hong Kong på landevegen.
Her frå går reisa vidare rundt jorda for å koma seg heim igjen. Då vil dei stoppa eit par dagar i Tokyo, fem dagar på Hawaii, ei veke i San Francisco. Deretter tre dagar i New York og til slutt tre dagar i London før dei igjen landa på Flesland den 4.juni.
| | |
Sommarjobb i Zambia
Dei vil bu billeg der dei finn husrom undervegs. Det einaste dei veit heilt sikkert er at dei skal vitja Anette si syster, Iselin, i Hong Kong, og ei tante av henne i San Francisco. Elles gler Alf Helge seg til å treffa igjen sin sørafrikanske vener. Han skal òg visa Anette campen ute i bushen i Zambia, der han har budd mykje dei siste åra.
Der vil han også endeleg få høve til å takka ein legen som redda livet hans i mars 2002.
Korleis han hamna der, langt frå sivilisasjonen ved ei flod rett nord for grensa til Namibia, er i lang historie. Kort fortalt starta det med ein førespurnad om sommarjobb på e-post til ei rekkje reisebyrå og turoperatørar då han var ferdig med militæret. Men han fekk ingen svar, ikkje før tre månader etterpå då dei ein dag låg ein e-post i inn-boksen der det stod: Vi treng deg i Zambia!
Det norske firmaet som tok kontakt haldt på å byggja opp ein jakt-, fiske- og safaripark saman med eit sørafrikansk firma. Alf Helge var ikkje sein med å ordna visum og hiva seg på flyet. Etter det har han budd i landet i lange periodar. Han har også blitt medeigar i den 100.000 mål store subtropiske parken på austsida av Zambezifloden.
| | |
Krokodiller og Mkoroar
Det er akkurat ei slik flod vi her nord ofte har sett på TV, med krokodiller i vasskanten og farga innfødde som padlar av garde i lange, uthola tømmerstokkar, kalla Mkoro.
– Det er ein spanande plass for kvite. Turistar i Afrika får ofte ei glorifisert inntrykk med innfødde i fargerike kostyme og skinnklede. Det er berre teater og litt kunstig, tykkjer Alf Helge.
Han gler seg til å sitja rundt bålet saman med Anette og dei andre han kjenner i campen, dei fleste av dei kvite sørafrikanarar. Høyra hyenen og sjakalane hyla og flodhestane snøfta frå elvebreidda. I campen har dei bygd opp flotte hytter til turistar, jegerar og fotografar, der vil Anette og Alf Helge få bu som grevar.
– Dei har reisverk i rhodesisk teak, bambusveggar og stråtak, fortel Alf Helge stolt.
Anette er redd for slangar, men det er også andre dyr og farar som truer når ein reiser som kvit i Afrika.
– Det er farleg i Oslo også, på ei mørk natt. Ein bør kjenna si vitjingstid, ha med seg kjentfolk og ikkje oppsøkja problem, forklarer Alf Helge.
| | |
Reddande englar i bushen
Konsekvensen av å stå aleine som kvit, utan å kunne språket, kan vera fatal. Det var noko han sjølv fekk oppleva for snart to år sidan. Plutseleg stod han utan resten av reisefølgjet sitt på grensa mellom Zimbabwe og Zambia, utan visum til å koma seg inn i nokon av landa. Årsaka til at dei andre hadde reist frå han var ei mistyding. Han klarte til slutt bestikka ei grensevakt slik at han kom seg inn igjen i Zambia. Der måtte han gå i fleire dagar attende til campen. Undervegs møtte han, som ved eit lykketreff, fleire menneske som hjelpte han vidare. Mellom fleire “englar” var ein stammehøvding som let han overnatta i leiren sin og ein gjeng innfødde som dreiv og hola ut ein trestamme midt ute i skogen.
– Eg hadde ikkje meir vatn. Eg trudde nesten eg byrja høyra lydar inne i hovudet då eg høyrde kakking mot hardt tre. Eg gjekk av stien og følgde lyden innover mellom buskane. Dei såg forundra ut då dei såg meg. Slik vi hadde sett ut, dersom ein neger med ryggsekk plutseleg hadde kome ramlande ut av skogen her, fortel Alf Helge.
Han ler godt no i etterkant. Men der og då kunne det ha gått retteleg gale. Legen på ein helsestasjon rett ved campen hjelpte han slik at han kom seg på flyet heim til Norge.
– Vi har samla inn utstyr frå helsestasjonen på Husnes som vi vil senda ned og gje dei som gåve. Det er alt frå brukte krykkjer, ei spedbarnsvekt og skrivemaskin til sterile kompress, plaster og sårutstyr, avsluttar Alf Helge.
Han gler seg til han endeleg skal å få takk for hjelpa.
| | | | |
|
|
|
 | | | | | | | 16. mai-arrangement for ungdom | | Les meir | (16.05.2012) | | | | Tømte butikkane for brød | | Les meir | (15.05.2012) | | | | Med toradar og skitstøvelmeisterskap | | Les meir | (15.05.2012) | | | | Skjenkestans klokka 01.00 | | Les meir | (11.05.2012) | | | | Vonleg nett kl 20.00 | | Les meir | (10.05.2012) | | | | Stølsdag med meisterskap i skitstøvelkasting | | Les meir | (09.05.2012) | | |
| | Nyhendearkiv | | |
 | |  |
|
| |
| Meiningsmåling |
| Bør ein endra Kvinnherad si kommunegrense? | | |
|
|
| | |
 | |  |
|
| |
|
