|
|
|
Heftig bluescruise | | | | Ei nært fullstappa M/S «Midthordland» var knapt lagt frå kai før stemninga stod i taket på det første bluescruiset med Vetrhus Bluesband frå Odda laurdag ettermiddag. | | | Det er ikkje like enkelt å velga i eit så spennande konsertprogram som Skånevik Bluesfestival kan by på. Men for å få ei lokal vinkling valde Grenda sin utsende bluescruiset med Vetrhus Bluesband frå Odda. No er ikkje det ein ukjend gjeng, og eg var viss på at dei ville «rocka båten noko hemningslaust». Sjølvaste bluesgeneralen Alf Warloe Christophersen stod ved landgangen og ynskte oss god tur.
Vokalist og showmann Helge Tverdal drog i gong den ein bluesperla etter den andre, og me var komen midtfjords før den første rolege låta kom. Då var me alle «In the mood» og kunne nyta havet, ein svalande bris og solskin. bandet sin eigen supergitarist Kjell Arne Bauge fekk opp dampen på cruise-fylgjet igjen med udødelege Stevie Ray Vaughan sin «Lovestruck Baby».
Nokre av tilhøyrarane var kanskje stukket av noko anna, kva veit me. Eller var det berre pur sommarglede og bluesånda som hadde teke dei? Damene fulgte opp borddansen til munnspelvirtuos Daniel J. Kambestad. Det vart dansa over ein låg sko, eller «barføtter».
Mange kunne nok tenkt seg eit cruise til då me klappa til kai i Skånevik, der Vetrhus sin finale blanda seg med dei heftige tonane frå danske Blues Junction i Blueshuset. Her var det like etterpå duka for attersyn med dei særs populære Stavangerensembelet, ein konsert mange vil hugsa som eit høgdepunkt frå den 9. Skånevik Bluesfestival. Svenske Europe som var hovudkonserten i bluesteltet og Bing Bang trakk folk, men for ihuga bluesfolk er vel ikkje dei det heilt store.
– Vi har jo lenge snakka om å få Eric Clapton hit. Det hadde vore stort, sa Christophersen til BT.
Det hadde vore noko til 10-årsjubileumet siste helga i juni neste år.
| | | | |
|
|
|
 | | | | | | | 16. mai-arrangement for ungdom | | Les meir | (16.05.2012) | | | | Tømte butikkane for brød | | Les meir | (15.05.2012) | | | | Med toradar og skitstøvelmeisterskap | | Les meir | (15.05.2012) | | | | Skjenkestans klokka 01.00 | | Les meir | (11.05.2012) | | | | Vonleg nett kl 20.00 | | Les meir | (10.05.2012) | | | | Stølsdag med meisterskap i skitstøvelkasting | | Les meir | (09.05.2012) | | |
| | Nyhendearkiv | | |
 | |  |
|
| |
| Meiningsmåling |
| Bør ein endra Kvinnherad si kommunegrense? | | |
|
|
| | |
 | |  |
|
| |
|
