Skaut seg vekk i verdscup-comebacket
Ragnhild Femsteinevik fekk det tøft på liggjande skyting då ho var tilbake i verdscupsirkuset laurdag føremiddag.
Etter strålande prestasjonar i IBU-cupen den siste tida, var Ragnhild Femsteinevik teken ut i Norge sin tropp til verdscupen i Nove Mesto, fire og eit halvt år etter at ho debuterte i verdscupen i Østersund.
Artikkelen held fram under annonsen.
25-åringen gjekk ut med startnummer 98 på laurdagens sprint i Tsjekkia.
Men sjølv om det gjekk bra for Ragnhild i sporet, vart løpet øydelagt etter første skyting etter fire bom på liggjande.
– Det synd når du først er komen tilbake i verdscupen etter gode resultat i IBU-cupen, og så får du fire bom. Det er tøft, sa NRK-ekspert Ola Lunde.
Og sjølv om Ragnhild gjekk godt i sporet og varta opp med fullt hus på ståande, vart fire bom for mykje å henta inn på sprinten. 25-åringen måtte med det ta til takke med ein 71. plass i verdscup-comebacket.
Med det er ho ikkje kvalifisert til morgondagens jaktstart.