Lastebil i grøfta
Skal du til ferjekaien på Ranavik i kveld, må du rekna litt ekstra tid.
Kring klokka 18:00 meldte brannvesnet i Kvinnherad om at ein lastebil hadde velta av vegen på Halsnøy. Bilen køyrde i retning mot ferjekaien på Ranavik då den skal ha kome utanfor vegbanen. Den har velta ut på eit jorde like nedanfor klosteret.
Artikkelen held fram under annonsen.
Politiet seier at det ikkje er personskader, og at dei førebels ventar på redningsbil.
- Bilen er lasta med fisk. Førebels trur dei at lasta er inntakt, så dei vil prøva å redda den. Det er jo ei ganske verdfull last, seier Julie Kambe ved Kvinnherad lensmannsdistrikt.
Politiet twitra seinare at vegen var stengt, men at trafikken vil bli dirigert forbi ulykkesstaden.