Klart for Kom deg ut-dagen
Søndag ynskjer Kvinnherad- og Barnas Turlag alle velkommen til ein dag med aktivitetar, leik og moro på Holmen i Dimmelsvik.
No er det igjen klart for årets fyrste utgåve av den nasjonale kampanjen Kom deg ut-dagen. Eit arrangement som går av stabelen på 145 ulike stadar rundt om i landet, som gjer det til den største søndagsturen i landet.
Artikkelen held fram under annonsen.
– I år er det på Holmen i Dimmelsvik. Her blir det kajakkpadling, leik, fisking og slikt. Og så ser det kanskje ut til at vi kan få bra vêr, vert det varmt så kan vi kanskje bada også, seier Trude Finnebotten i Barnas Turlag.
På plass på Holmen er også Kvinnherad undervassklubb og Kvinnherad bogejegerklubb som kjem for å visa fram kva dei held på med til dagleg.
– Så her er det berre til å finna fram redningsvesten og det gode humøret og kasta seg med. Så skal vi grilla pølser til alle som kjem, sluttar Trude.