Maks ti gjester to dagar i jula

Det er nødvendig med smittevernstiltak også i jula, men regjeringa lempar på nokon tiltak for at folk skal kunna feira jul og nyttår litt meir som normalt.

– Jula er jo ei tid for nærleik, ikkje avstand. Vi vil at alle skal få feira jul med så mange som mogleg av dei ein ynskjer å ha rundt seg. Det fortener vi, ikkje minst i år. Samtidig er vi bekymra for at julefeiringa skal føra til meir smitte i samfunnet. Vi ynskjer ikkje å starta det nye året med stigande smittetal og nye innstramingar i januar. Det vil ingen av oss, seier statsminister Erna Solberg.

Basert på råd frå Helsedirektoratet og Folkehelseinstituttet har regjeringa no vedteke desse råda for jula.

1. Du må framleis avgrensa det totalet talet menneske du har sosial kontakt med gjennom heile perioden, ikkje minst i førjulstida.

2. Vi opprettheld tilrådingane om at ein kan ha inntil 5 gjester til over nyttår.

3. På to av dagane opnar vi for inntil 10 gjester. Det betyr altså inntil 10 gjester på julaftan og nyttårsaftan, eller to andre dagar ein vel sjølv i løpet av perioden.

4. Det må alltid vera minst ein meters avstand mellom alle som elles ikkje bur saman. Dette gjeld både når ein sitter til bords, når gåvene blir delt ut og når julekakene kjem fram.

5. Klarer du ikkje å gjennomføra juleselskapet med minst ein meters avstand når du inviterer 10 gjester, må du invitera færre.

6. Om du kjem frå områder med høg smitte, bør du halda to meters avstand til folk i risikogruppa.

Desse tilrådingane gjeld for heile landet. I kommunane med stort smittetrykk kan det vera strengare reglar for talet gjester og kontaktar. Følg difor godt med på informasjonen du bur, skriv regjeringa i ei pressemelding.

– Når vi opnar opp for fleire gjester to dagar i høgtida, føresett det at alle er flinke til å halda minst avstand ein meters avstand og avgrensa talet sosiale kontaktar gjennom perioden, seier helse- og omsorgsminister Bent Høie.