Desse fire fotballspelarane er tatt ut på kretslaget

NFF Hordaland har tatt ut dei første kretslagstroppane for gutar og jenter fødde i 2007. Her har dei funne plass til fire kvinnheringar.

Fotballkretsen har no landa på 36 jenter og 36 gutar dei meiner har fortent å ta steget vidare frå sonesamling til den første kretslagstroppen. Blant dei uttekne finn vi Sondre Ersland frå Ternen, Bettina Guddal frå Rosendal, Marthe Kristensen frå Halsnøy og Cathrine Enæs frå Rosendal. Sistnemnde er keeper, dei andre utespelarar.

Jentene skal reisa til Bergen og Vestlandshallen førstkomande måndag for den første kampdagen for den ferske kretslagstroppen, medan Sondre Ersland og gutane skal av garde på tysdag.

Her skal troppane igjen delast i to lag som skal spela uttakskampar.

– Etter uttakskampane vil det blir tatt ut kretsgrupper på 20 + 2 spelarar både på jente- og gutesida. Desse vil etter det ha trening i Vestlandshallen ein gong i veka etterpå, skriv NFF Hordaland i ei pressemelding.