Bu heima-leir til helga
Laurdag og søndag arrangerer Omvikdalen søndagsskule og kyrkja den årlege bu heima-leiren.
På programmet i år er det dans, elektronikk, forming, snekring og pizzabaking på Omvikdalen skule. I tillegg kan ein prøva seg på klatreveggen i Uskedalen, øva på symjeteknikkar og læra livredning i bassenget i Rosendal. Ein kan òg vitja dyr på garden til Målfrid Haugse i Omvikdalen.
Artikkelen held fram under annonsen.
Leirsjef er Ingeborg Hestad (17), som går andre året på KVS-Lyngdal.
– Ho er utplassert to veker i trusopplæringa i Kvinnherad. Vi har òg ni hjelpeleiarar som består av ungdom frå ungdomsskule og vidaregåande. I tillegg er det 18 vaksne som deltek med ulike oppgåver, skriv einingsleiar i trusopplæringa i Kvinnherad, Kristine Hestad.
53 born i alderen 4 til 13 år er påmeldt leiren som har temaet «No vil eg følgja deg».