Godt fyrste halvår for Dill AS

Effektivisering, nødvendige kostnadskutt og større satsing på andre tenester har gjort at Dill AS verkeleg har snudd skuta og no kan sjå tilbake på eit godt fyrste halvår i 2017.

På ein pressekonferanse på Halsnøytunet torsdag kunne styreleiar Per Ove Kviteberg og dagleg leiar Siv Brovold i Dill AS med eit smil om munnen fortelja om selskapet si positive utvikling i løpet av årets seks fyrste månadar.

Sidan januar, der rekneskapen viste eit negativt resultat på 67.364 kroner, har pila stadig peika oppover for selskapet som driv med kafédrift, catering, levering av mat og vask.

– Det er ein gledas dag når vi no kan visa fram tala for fyrste halvår. Etter at vi hadde pådrege oss store tap var selskapet føreslege innstilt ved årskiftet, men vi kutta på fordyrande kostnadar og bestemte oss for å gje oss sjølv nokre månadar på å snu dette. Og med ei omsetnad på 2,3 millionar kroner og 192.000 kroner i positivt resultat fyrste halvår, har det gått over all forventning, seier Per Ove Kviteberg.

Les meir i neste papirutgåve torsdag 20. juli.