Forviklingar i SF
Marie Kjeldaas har flytta frå Kvinnherad, og SF trengte å finna erstattar til tre utval. Det var ikkje heilt enkelt.
Vala av Lars Tobias Teigen Varanes som vara til kommunestyret og Una Kolle som kommunal representant i Venskap Kvinnherad – San Lucas Toliman gjekk greitt i kommunestyret på torsdag. Men å finna fast medlem til kontrollutvalet var verre.
– Vi har vore for kjappe på labben med å føreslå ein mann (Willy Kalsås) som erstatning for Marie Kjeldaas, for då vil kontrollutvalet bestå av fire menn og éi dame, vedgjekk Gaute Lund.
Artikkelen held fram under annonsen.
Etter litt telefonering fann SF eit nytt namn, men litt seinare vart det oppdaga at ho er fast tilsett i kommunen og såleis ikkje valbar. Saka vart dermed utsett til det ekstraordinære møtet komande torsdag.