Tiltalt for å ha skalla politibetjent i ansiktet

Ein mann frå Kvinnherad må møta i retten tiltalt for vald mot politiet.

Ei septembernatt i fjor skal ein mann ha sett seg på bakbeina då politiet skulle arrestera han ein stad i Kvinnherad. Under pågripinga skal mannen ha skalla til ein av politibetjentane i ansiktet, før han skal ha skrike «jævla fittekjerringer» til politibetjenten.

Mannen må difor møta i Haugaland og Sunnhordland tingrett i midten av februar tiltalt for forulemping av offentleg tenesteperson ved bruk av skjellsord, samt å ha hindra ein offentleg tenesteperson i å gjera jobben sin ved å bruk av vald.