Feirar Aksel Kloster med kormusikk
Tidlegare ordførar Aksel Kloster hadde fylt 70 år på laurdag. Det ynskjer sonen Tore Kloster å markera med ein konsert i Valen kyrkje.
18. august ville tidlegare Ap-politikar og Kvinnherad-ordførar, Aksel Kloster (1948-2006), blitt 70 år. No har eldste son og songar Tore Kloster teke initiativet og invitert til ei feiring av minnet hans med kormusikk i Valen kyrkje.
Artikkelen held fram under annonsen.
– Publikum får høyra det nyetablerte koret Stemmer, som er eit blandakor frå Bergen beståande av 17 røynde songarar. Dei vil syngja eit variert program med folketonar, middelalderen og vakre korperler frå notida, skriv Tore Kloster i ei pressemelding.
Musikken som vil runga i Valen kyrkje denne laurdagen er av mellom andre Edvard Grieg, Ola Gjeilo, Morten Lauridsen og Glovanni Gabrieli.