71 grader nord på Folgefonna

No på søndag kan du sjå Kvinnherad frå si finaste side i beste sendetid på TVNorge.

Då skal deltakarane i kjendisversjonen av 71 grader nord bryna seg på isbrevandring på Folgefonna som den dagen var bada i solskin. Tidleg i september i fjor nytta deltakarar, TV-team og resten av produksjonen fem dagar i Kvinnherad til innspeling av den populære TV-serien, og søndagens episode byr på store utfordringar.

– Kjendisane skal nok eingong konkurrera mot kvarandre inndelt i to lag, og i denne episoden ventar ein spektakulær padletur samt ein lang og hard tur på Folgefonna. Etappen blir ekstra utfordrande for ein av kjendisane, noko som går hardt inn på fleire av deltakarane, skriv pressekontakt i SBS Discovery Marianne Aambø i ein e-post til Grenda.