Adam Douglas kjem til Husnes i mars. (Foto: Torgrim Halvari)

Adam Douglas til Husnes

Laurdag 27. mars kjem stjernekampvinnar Adam Douglas til Kulturhuset Husnes.

Etter å ha lagt bak seg to studioalbum, eit livealbum og ei lang rekkje med konsertar, er Adam Douglas klar med albumet «Better Angels» 5. mars. I den anledning legg artisten ut på turné kor ein av stoppestadane er Kulturhuset Husnes.

– Når Adam igjen reiser ut på turné tar han med seg det nye albumet, skreddarsydd for konsert, med fullt band og blåsarar som krona på verket. Han held ikkje tilbake, og den store stemma skal igjen konkurrera om merksemda med hans eigen gitar. Med både nye og gamle låtar kan publikum venta seg eit liveshow heilt utan sidestykke, står det å lesa i ei pressemelding.

Konserten i Kulturhuset Husnes 27. mars vil gå av stabelen i kinosalen, med ein makskapasitet på 200 personar.