Aktiv sankthans på Borgundøy

Det var tett program heile helga til endes då tidenes fyrste utgåve av St. Hans-festivalen gjekk av stabelen på Borgundøy i helga som var.

Støvelkast, knuteleik, mjølkespannhalding, tautrekking og ei rekkje kulturelle opplevingar stod på timeplanen då Fjelberg-ungdomen skipa til festival på Borgundøy denne helga.

DNT Ung sørga for at aktivitetane vart knirkefritt utført, medan det vart meir seriøst då Arbeidarpartiet og Høgre starta valkampen med ein uhøgtideleg tautrekkingskonkurranse. Ein konkurranse som Høgre gjekk sigrande ut av.

I tillegg til det imponerte Markus Vikse, Erik Meling og Ole Håkon Steffensen frå Flaks sjongleringsgruppe med eit sirkusshow for dei frammøtte.

Kvar kveld vart avslutta med konsert, der Helge Elias Larsen og Haavard Skaatun spelte fredag og Pollution og Ove Støylen laurdag. Festivalen vart avslutta med tur og konsert på Borgundnuten søndag ettermiddag.