Avskjedskonsert for Lina Haaland
Fyrstkomande laurdag tek sokneprest Lina Haaland avskjed med Uskedalen. Det gjer ho på staseleg vis saman med gospelkoret Abraham.
– Vi har jobba mykje med førebuingane til denne konserten og gler oss veldig. Endeleg skal vi få koma tilbake, og denne gongen er det ikkje for å overlevera Lina til Uskedalen, men for å gje ho og dykkar ein verdig avskjed med ein forrykande konsert i ærverdige Kvinnherad kyrkje, står det å lesa i ei pressemelding.
Artikkelen held fram under annonsen.
Dirigent Bjarte Lending har med seg ein gjeng 30 dyktige songarar frå Sandnes, Stavanger og Jæren, som alle gler seg til å få Lina heim.
– Vi drog til Kvinnherad i 2014 for å få med oss Lina sin ordinasjon, og då vi skulle dra ned igjen til Sandnes måtte vi la Lina bli igjen for å gjera sin jobb i Uskedalen. No ventar nye utfordringar for Lina i Sandnes kyrkje, så difor kjem vi tilbake for å få ho heim, skriv dei i pressemeldinga.
Koret skal også synga på Husnes storsenter laurdag.