Blir heidra med Diktartavla

I dag vart det offentleggjort at Hanne Bramness får prisen Diktartavla for den samla forfattarskapen sin. Ho er den 25. som får prisen, som vert gjeven til ein forfattar som har utmerka seg innanfor lyrikken.

– Det er ei ære, det. Eg føler prisen er ei anerkjenning av bøkene mine, kanskje særleg dei to siste. I «Vekta av lyset» og «Den ukjente» har eg prøvd å gjera noko som er nytt, fortel lyrikaren.

Bramness har sidan debuten i 1983 gjeve ut til saman 14 diktsamlingar, 17 gjendiktingar og ein ungdomsroman. Ho har fått den norske Lyrikklubben sin pris for gjendikting, Doblougprisen, Wergelands åre og Språklig samlings litteraturpris tidlegare. Utdelinga av Diktartavla skjer laurdag 11. juni ved Hardanger folkemuseum på Utne. Då vert ei steintavle lagt ned i Diktarstien som vart etablert i høve Olav H. Hauge sin 85-årsdag. Prisen er eit samarbeid mellom museet og Hauge-senteret i Ulvik.

Les meir i dagens papirutgåve av Grenda eller kjøp pdf-avisa.