Chopin i ord og tonar
Søndag 21. oktober står den polske Chopin-meisteren, Grzegorz Niemczuk, på scena i Kulturhuset Husnes.
Han er omtalt som ein av dei fremste, yngre pianistane i Polen, og gjekk i 2010 sigrande ut av den store Chopin-konkurransen i Warszawa. Med det vert han no betrakta som ein av verdas fremste Chopin-tolkarar.
Artikkelen held fram under annonsen.
Søndag gjester han Husnes kulturhus med sitt program «Chopin i ord og tonar». Her vil Grzegorz gje publikum dei mest virtusoe, vakraste og mest kjente verka av Frédéric Chopin.
– Grzegorz er ikkje berre ein eminent og virtuos pianist, han er også ein strålande pedagog og kåsor. Som alltid når han held konsertar, vil han også denne gongen fortelja om den musikken han skal framføra. Dette fører til at ein konsert med han vert ei heilt spesiell og givande oppleving, står det å lesa i pressemeldinga.