Dansegalla med AristoCats
15. september inviterer fotballgruppa i Rosendal Turnlag til dansegalla med danseorkesteret AristoCats.
Rosendal Turnlag gjentek suksessen frå i fjor og skipar til dansegalla i Rosendal samfunnshus laurdag 15. september. På scena står det folkekjære danseorkesteret AristoCats, som dei siste 45 åra har gleda danseglade nordmenn med sine fengjande coverversjonar.
Artikkelen held fram under annonsen.
– Sidan oppstarten i 1973 og fram til i dag har AristoCats vore aktive på stor og liten scene primært på Vestlandet, men med nokon avstikkarar til både aust og nord, står det å lesa i ei pressemelding.
Bandet, som i dag består av seks musikarar, feira i 2013 40-årsjubileum, med to utselte show-ferjer.
– Som dei fleste danseorkester vestpå har AristoCats vore ein trufast framsynar av cover-låtar. Dette har i all hovudsak vore 50-, 60-, 70-, 80- og 90-talsfavorittar som primært har vore eigna til å tirra dansefoten, skriv dei i pressemeldinga.