Eidsvåg, Bremnes og Sundfør til Baroniet

Baroniet Rosendal annonserer allereie no at dei har sikra seg konsertavtalar med både Susanne Sundfør, Kari Bremnes og Bjørn Eidsvåg sommaren 2018.

Bjørn Eidsvåg kjem med bandet sitt til riddersalen på Rosendal Avlsgård i midten av juli, og litt seinare er det klart for Kari Bremnes med band i same sal. Susanne Sundfør skal opptre åleine med song og klaver i riddersalen i månadsskiftet juli/august, og medan dei to førstnemnde er gamle kjenningar av Baroniet Rosendal, har Sundfør berre vore der ein gong før – i 2008, altså heilt i starten av karrieren sin.

The Festival Players from England kjem for å setja opp Shakespeare sitt skodespel The Winter’s Tale i midten av juli, og er som vanleg ein spanande miks av drama og komedie.