Eksklusivt, intimt og storslagent

Pianist Leif Ove Andsnes har handplukka eit eksklusivt knippe musikarar frå både Noreg og den store verda til den nye kammermusikkfestivalen i Rosendal.

Andsnes har spela på Baroniet i over tjue år, og kan ikkje tenkja seg ein betre stad enn Rosendal for den nye kammermusikkfestival han er den kunstnariske leiaren for.

– Denne staden betyr noko heilt spesielt for meg. I løpet av eit musikarliv har det blitt nokre ankerpunkt å koma tilbake til. Baroniet er eit slikt. Det er rett og slett ein fantastisk stad å koma tilbake til. Særleg når eg lever eit såpass omflakkande liv elles i året, seier Andsnes.

Han har gjerne prøvd ut nytt program når han har halde konsertar i Den røde sal på Baroniet.

– I løpet av året spelar eg nesten aldri i så små rom som det. Opp gjennom åra har eg snakka fram og tilbake med Reidar og Anne Grete om det var mogleg å gjera noko større her i Rosendal. Då eg fekk høyra om planane om den nye riddarsalen, kribla det litt i magen, og eg fekk ei kjensle av at no går det faktisk an, seier den svært jordnære pianisten.

Grenda fekk ein eksklusiv prat med verdsstjerna. Les heile saka i dagens papiravis eller kjøp pdf-utgåva.