Festidalen: Konsertstarten utsett grunna vêret
Festidalen har utsett fyrste konsert til klokka 20. Vind gjer det vrient å rigga skikkeleg. Området er likevel ope, og folk er velkomne opp på jordet.
– Me må utsetja starten til klokka 20.00, i påventa av at vinden skal løya, noko vêrmeldingane tilseier at han skal, opplyser Jostein Sydnes i Festidalen.
Vinden gjer det vanskeleg å få på plass den siste rigginga på sikkert vis, og han utfordrar tryggleiken til artistane.
Artikkelen held fram under annonsen.
– Me oppmodar til å følgja med på facebooksida og instagramprofilen vår for å få den ferskaste informasjonen, i tillegg til å følgja med på lokalavisene, seier Sydnes, som kryssar fingrane for at alle brikkene fell på plass tidsnok til å få festivalen avvikla på framifrå vis.'