Fliflet/Hamre til Dønhaug

Husnes Jazzklubb arrangerer konsert med gruppa Fliflet/Hamre på Dønhaugkjellaren komande laurdag.

Gabriel Fliflet (trekkspel, song) og Ole Hamre (trommesett, hamrofon, melodika, stepp, song med meir) brukte 2016 på ei grundig feiring av 25-års samspel. Jubileumsåret starta med fire konsertar, der duoen gjesta Bergen Filharmoniske Orkester med sin versjon av Harald Sæveruds «Kjempeviseslåtten». Hausten vart feira frå Farsund i sør til Målselv i nord, men då utan medbrakt symfoniorkester.

– Gruppa har gjesta jazzklubben ved fleire høve, men det er alltid like kjekt å presentera dei for publikum fordi dei har med seg humør og speleglede som få andre, seier Jarle Mehammer i Husnes Jazzklubb.