Folkefest for "Loyal"

"Loyal" har gjennom sine 140 år segla på all verdas hav. I dag var det eit folkehav som feira jubilanten i Rosendal.

Klokka 10.48 segla "Loyal" inn i Skålavikjo, la breisida til og fyrte av to kraftige kanonskot. Det var startskotet på ei feiring som vil gå inn i minneboka. Kaien var nemleg full av folk som ville kikka nærare på fartyet, møta kjende og få seg ein matbit. Også vêrgudane likar tydelegvis gamle hardangerjekter, for det var ein praktfull haustdag. Dermed såg publikum ingen grunn til å gå heim, og vart heller verande på kaien i mange timar.

Og det beste av alt; både den førre eigaren av "Loyal", Audun Hausberg, og den nye, Stein-Arve Olsen, vonar at dette kan vera starten på eit årleg skutetreff i Rosendal.

- Midten av september er perfekt for eit slik arrangement, sa karane til Grenda.

Les mykje meir i Grenda si papirutgåve på tysdag.