Folkefest for store og små

Fyrstkomande helg er det klart for den femte utgåva av Rosendal Fest.

Etter at bluesrock-bandet Callin`Crowds har spelt helga i gang på Snikkeriet fredag kveld, brakar Rosendal Fest for alvor i gang med torgdag og konsert for dei yngste i Skålagato laurdag føremiddag. Mange av butikkane flyttar ut på gata, det vert marknad med sal frå bodar, hoppeslott og konsert for dei yngste med Good Time Charlie.

– Vi håper mange vel å ta del i denne folkefesten, og at så mange born som mogleg kjem for å syngja med når Good Time Charlie har konsert. Eit band som med sin jubelblues verkeleg når ut til det yngre publikum, seier Eli Kvalvågnes frå Snikkeriet.

Seinare same kveld tek Sotra-damene frå bandet Chicksa over, då inne på Snikkeriet.

– Det er ei gruppe fantastiske musikalske damer som spelar folkeleg og fengjande musikk, seier Kvalvågnes og legg til:

– Vi treng aktivitet i bygda, og med det vêret vi har trur eg dette kan bli ein skikkeleg folkefest. Ei helg for både store og små, sluttar ho.