Folkeliv og festival i Sæbøvik
Det vert nokre livlege dagar i Sæbøvik denne helga.
Artikkelen held fram under annonsen.
På fredag er det den store krabbe- og rekefesten som dominerer bygdebiletet. Utanom bognande matbord, spekka med godsaker frå sjøen, vert det invitert til ymse underhaldning, mellom anna musikk med Stig Arild Fosse og dans med Raititat Band.
Laurdag morgon vert det som vanleg servert frukost i teltet, før fiskefestivalen startar. Då blir det ulike leiker og fiskekonkurranse. Elles vert det sommarbasar med ordførar Peder Sjo Slettebø og musikk ved Sølvi Marie med band. På kvelden vert Sæbøvikfestivalen avslutta med to dansar. På den eine spelar Jeremaya and the Supply, på den andre kan gjestene svinga seg til Splint.
Både på fredag og laurdag er det rikeleg med underhaldning og aktivitetar for barna også.