Forfattarbesøk på turisthotellet

Fredag kveld tar Rosendal Bokhandel i mot Jørgen Jæger og Lars Ove Seljestad til bokkveld på Rosendal Turisthotell.

Jørgen Jæger er no ute med krimromanen «Guden», som er hans tiande roman om lensmann Ole Vik i Fjellberghavn. Han kjem til Rosendal for å lesa frå boka, som kombinerer eit attentat på ordføraren og politistasjonssjefen i bygda, med ein serie godt planlagde bankran.

Også oddingen Lars Ove Seljestad kjem til bokkvelden. Han er aktuell med sin åttande roman, «Ta hand om deg».

– Det er ei delvis sjølvbiografisk, melankolsk bok om skrivesperre, og er ei bok til ettertanke, meiner arrangør Bente Soldal ved Rosendal Bokhandel.

Mykje tyder på at Lothepus og forfattaren bak biografien hans, Finn Tokvam, kjem til ein bokkveld i regi av Rosendal Bokhandel i løpet av hausten. Det er også klart at Øystein Wiik kjem til Rosendal for å kombinera julekonsert og bokopplesing frå hans ferskaste roman.

– Det blir fleire bokkveldar utover hausten, lovar Soldal.