Gledesspreiar i flosshatt fyller sytti

Herøysundet får besøk når Cirkus Arnardo i år feirar 70 år på norske vegar.

Sidan starten i 1949 har ni millionar nordmenn vore samla rundt manesjen i løpet av 12.000 framsyningar. Og allereie tysdag 18. juni kan nye publikummarar ta plass i sirkusteltet når den seks månader lange jubileumsturneen gjestar Herøysundet på Idrettsbanen.

– Bestefar var ein visjonær med ønske om å gleda andre.

Det seier turnéleder Are Arnardo i ei pressemelding om grunnleggjaren til sirkuset Arne Arnardo.

– Historia har vel vist at han lukkast ganske så bra med sin livsgjerning, legg han til.

 

Nye triks

Are Arnardo, som sjølv er barnebarn av den kjente sirkusgründeren, og er også son av sirkusnestoren Arild Arnardo.

Den nye framsyninga byr blant anna på Duo Urunovs raske klesskifte-nummer, der elegante antrekk forsvinn i lause lufta for så å bli erstatta av nye. Årets show byr også på spektakulær sykkelakrobatikk med BMX-flips og Trial-tricks der det vert trakka til med stor kraft i ei hinderløype.

– Det same gjeld svenske David Hammarberg. Han er ein av Sveriges få profesjonelle sirkusartistar, og lager flyakrobatikk i ein kombinasjon av trapes og Bungee, lovar Arnardo.

I tillegg kjem det papegøyar, sirkusklovnar, ponniar, lamar og Borzoi-hundar og pudlar.

Det vert også rikelege å halda pusten av, både når Steacy Giribaldi får stigen til å balansera, eller når Double Risk spenner armbrøsten og sikter seg inn.