Ho kjem til Festidalen
Med Gabrielle på plakaten har Festidalen fått på plass laurdags-headlineren til Festidalen 2020.
Sidan ho slepte debutsingelen «Ring meg» i 2011 har Gabrielle turnert land og strand rundt med sin eksplosive pop og levert den eine hiten etter den andre. Blant kan vi nemna «5 fine frøkner», «Bordet», «Regn fra blå himmel» og no den heilt ferske «Snart, Gabby».
Artikkelen held fram under annonsen.
No er ho klar til å vera Festidalen sin headliner på laurdagen, til stor glede for bookingsjef Daidalos Dahle.
– Musikken hennar, med sin eigenart og tydelege signatur, flyt så elegant og synleg i det norske musikkbassenget. Og i sommar skal me plaska saman. Synkront eller ikkje, nytast skal det i alle fall, seier Daidalos i ei pressemelding.
Vidare skriv han at det skjedde noko med den norske popscenen i 2011. Gabrielle slepte låta «Ring meg» og selde til ti gongar platina.
– Etter det har ho aldri sett seg tilbake. Live er ho heilt eineståande. Etter Øya-konserten trilla NRK ein seksar. Etter Bergenfest-konserten trilla BT ein seksar. Ho sel billettar som berre pokker på den pågåande turneen. Scenen kjem til å gløda. Dette vert latterleg feitt, skriv Daidalos.
Allereie neste veke er Festidalen klare for å sleppa artist nummer to som kjem til neste års festival i Uskedalen.