«Hver gang vi møtes» med Eli
Fredag inviterer Heidi Lambach og Roger Stangervåg til ein annleis kveld på Snikkeriet.
– Det blir ein eksklusiv konsert, krydra med og intervju med Eli Kvalvågnes, lokkar Roger Stangervåg.
Artikkelen held fram under annonsen.
Saman med Heidi Lambach har han snikra saman eit program for fredagskvelden som i stor grad handlar om Eli Kvalvågnes.
– Eg ser på det som eit startskot for eit kulturelt tilbod etter koronatidene, seier Stangervåg.
Musikartungt
Tydeleg inspirert av TV2-suksessen «Hver gang vi møtes» skal Eli Kvalvågnes vera gjest, og det blir eit eksklusivt og tilbakeblikk i historia til Snikkeriet. Minne og gleder, utfordringar og sigrar, og garantert nokre ord om korleis det opplevst å starta og driva ein konsertstad med slik sjel, midt i hjarta av Rosendal.
Smittevernreglar blir sjølvsagt haldne, og det er avgrensa plassar tilgjengeleg. Arrangementet blir også strøymt, for dei som ikkje får plass eller har for langt å reisa.
Kvelden blir ei hylling av Kvalvågnes, og det er ei rad musikarar som kjem til å bidra for å heidra drivkrafta bak den mest aktive musikkscenen i Kvinnherad.