Inviterer til storkonsert på 5460

Husnes Funk Orchestra spelar opp til konsert på 5460 fredag 6. november.

Bandet, som består av Tone-Lise Jonassen og Ingebjørg Eik på vokal, Tor Jørgen Sætrevik på gitar, Ole Bjarte Røssland på trommer, Frode Kaldestad på keyboard, Kjartan Hansen på Bass, Jan Eilif Ingebretsen på trompet og Kirill Zimin på saksofon, hadde sin første konsert på Husnes sommaren 2019. Førstkomande fredag står dei igjen på scena med ei speleliste som skal passa for kvar ein smak. – Funkbandet spelar musikk både for yngre og eldre publikummarar. Repertoaret er sett saman av stort sett originale arrangement, men og eigne versjonar av klassikarar frå 60-talet og nyare stoff frå vår eiga tid, skriv 5460 i ei pressemelding.