ItaloBrothers til 5460

Den tyske EDM-trioen solar seg i dag heilt i toppen av hitlistene med sin nyaste singel «Summer Air». Laurdag 2. september står dei på scenen i Festsalen.

Karoline Helleland og Ronny Hamre flyttar bar 5460 opp i Festsalen i Kulturhuset Husnes, og inviterer til det som er den største fisken dei har hatt så langt.

– Dette er ein kjekk booking, det er vel det største vi har hatt så langt om du tenker internasjonalt. Dei lagar utruleg bra liv frå scenen og har mange kjente songar som folk kjenner med eingong dei høyrer dei, seier Ronny Hamre.

Blant dei mest kjente finn vi nemnde «Summer Air» som i dag berre kan sjå seg slått av «Decpasito» på VG-lista. I tillegg kan hiten «Stamp on the ground» skilta med i overkant av 66 millionar visningar på Youtube. Noko som òg er grunnen til at techno-trioen var og sjå på scena då VG-lista-konserten gjekk av stabelen på Rådhusplassen 24. juni.

– Vi gler oss skikkeleg. Det kjem til å bli full trykk frå fyrste låt, og dei er kjent for å laga veldig bra med liv. Så dette blir gøy, seier Hamre.

Og sjølv om konserten blir i Festsalen, er ikkje dette ein del av opplegget «5460 i Festsalen», som tidlegare har husa Hellbillies og Morten Abel.

– Nei, men eg og Oddbjørn arbeider med det kontinuerleg og kjem til å koma med nye namn eingong etter sommaren, seier Ronny Hamre som også kan nemna at Bar 5460 kjem med storbyfavoritten «Silent Disco» i løpet av september. Der kvar og ein får utdelt sine eigne høyretelefonar og sjølv kan velja kva musikk dei vil høyra på.