Kornstad Trio i Riddersalen

Fredag kjem saksofonisten og operasongaren Håkon Kornstad med sin trio til Riddersalen.

Håkon Kornstad er ein prisløna norsk jazzsaksofonist, anerkjent av jazzkritikarar over heile verda. I 2009 oppdaga han si songstemme, og han avslutta ein mastergrad ved Norsk operaakademi i 2014. Han deler no si tid mellom to nesten kontrastrike musikalske sjangrar, og det blir sagt at han kombinerer dei på ein eineståande måte.

I Kornstad Trio har han med seg trekkspelar Frode Haltli og bassist Mats Eilertsen. På det nyaste albumet «Im Treibhaus» blandar dei romantiske songar og operaariar med skandinavisk jazz.

– Utan grenser, og med mange overraskingar, er albumet eit ekte uttrykk for Håkon Kornstads sjeldne akkumulering av musikalske påverknader, heiter det i ein omtale av plata.

Utvalet av songar og ariar spenner frå blant anna Tosti, Mascagni, Verdi, Grieg og Wagner.  (tittelsporet er fra Wesendonck Lieder ).