Koronatilpassa utstillingsopning
Laurdag opnar Galleri G Guddal utstilling med Kenneth Blom, med kunstnaren til stades på opningsdagen.
Kenneth Blom har atelier og base i Oslo, og må ikkje forvekslast med triatleten og B-hallorganisatoren frå Husnes med same namn. Han har verk utstilt i New York, Bejing, Hong Kong, Berlin og Lyon, for å nemna nokre av stadane.
Artikkelen held fram under annonsen.
– Galleriet har selt Blom sine grafiske bilde i mange år, men dette er første utstilling med både måleri og grafikk her. Grunna koranaen blir det opning utan tale, musikk og vanleg pomp og prakt, men kunstnaren er i galleriet heile dagen for å møta folk, skriva gallerist Gøril Guddal i ei pressemelding i samband med utstillingsopninga.
Utstillinga står til 9. august, og galleriet har no ope alle dagar bortsett frå måndagar.
Kafeen opnar også denne laurdagen.