Kristian Valen kjem til Husnes
Norges mestseljande komikar er tilbake med sitt fyrst show sidan 2012, 2. november står han på scena i Kulturhuset Husnes.
16 år har gått sidan Kristian Valen fekk sitt store gjennombrot som gjorde han til landets mestseljande komikar. Laurdag 2. november kjem han til Husnes med sitt nye show, «Åsted Valen».
Artikkelen held fram under annonsen.
– Det vert som vanleg parodiar på TV-program, artistar og kjendisar frå inn- og utland i kjent Valen-stil. Han har også fått med seg at TV 2 har eit program som heiter «Åsted Norge» og at «Gutta på tur» i fjor var tilbake på skjermen, står det å lesa i ei pressemelding.
I «Åsted Valen» inviterer den lyshåra komikaren kjente gjester på besøk opp på scena, gjester som kanskje ikkje passar heilt inn når Valen tolkar desse TV-programma.
– Det blir musikalske og verbale imitasjonar som både imponerer i sin likskap med originalen og den humoren som kjenneteiknar Kristian Valen. Med siddisen på scena får publikum eit show som utfordrar lattermusklane, heiter det i pressemeldinga.