Kronprinsen opnar Festidalen

Og går på scenen med bandet «Johnny frå Stovner» utpå fredagen.

Det er ein kjent sak at kronprins Haakon Magnus er svært musikkinteressert, så interessert at han i samband med 40-årsdagen sin inviterte til musikkfestival heime på Skaugum. No har Festidalen klart å fanga interessa til kronprinsen, og lokka han Uskedalen i august.

– Det er aldeles storvegs! Me er utruleg heldige som får han på besøk. Ikkje minst blir det stas å høyra han spela. Det blir ikkje så lange konserten, men han er ein dugande gitarist, og han har lova oss tre coverlåtar for stemninga sin del. Det blir i lag med nokre vener av han i garasjebandet «Johnny frå Stovner», gliser Bjørn Olav Tveit.

Førebels held Festidalen korta kring besøket tett til brystet.

– Det er rettast at slottet styrer informasjonen omkring resten av besøket, sluttar Tveit.